Ylli i “Keeping Up With The Kardashians” shijoi një pushim ekzotik me të dashurin Pete Davidson në ishujt Bahamas muajin e kaluar. Ajo padyshim dukej se po e shijonte lirinë e shumëdëshiruar gjatë pushimeve, pasi vendosi të ndërpresë komunikimin me çdo person tjetër përveç të dashurit të saj, shkruan DailyMail.
41-vjeçarja zbuloi në një intervistë së fundit se ajo dhe grupi me të cilin ishte në Karaibe – përfshirë 28-vjeçarin Davidson – i hodhën celularët e tyre në oqean në mënyrë që të mos kishin kontakt me botën jashtë. Ajo shpjegoi në intervistën e fundit me Vogue.
“Isha në Bahamas dhe njerëzit me të cilët isha thanë: ‘Ne jemi me pushime. Nuk kemi qenë në pushime për një kohë të gjatë. Dhe më pas ata hodhën telefonat e tyre në oqean. Unë thashë: ‘Çfarë? Çfarë? Çfarë? A më lejohet ta bëj këtë?’”, tha Kim.
Pas kësaj, Kim ndryshoi numrin e saj si për t’i shpëtuar faktit se ajo nuk u përgjigjej në kohën e duhur miqve dhe familjes kur ata e telefonuan në kohën kur celulari i saj ndodhej në det.
Megjithatë, kjo mund të shpjegojë pse ish-bashkëshorti i saj Kanye West nuk i dilte numri i saj i telefonit i disponueshëm disa javë më parë kur po përpiqej të zbulonte vendndodhjen e ditëlindjes së katërt të vajzës së tij, Chicagos, e cila jeton me të ëmën.
