Mbrëmjen e kaluar, pasi përfundoi kërcimin e saj tango në “Dance With Me”, aktorja Eliona Pitarka ka përshëndetur në mes të emisionit të dashurin e saj.
Ai ndodhej në publik për ta parë gjatë performancës dhe Eliona s’ka ngurruar t’ia dedikojë publikisht kërcimin e saj partnerit.
“Meqë Tango për mua është kërcimi i dashurisë, dua t’ja dedikoj atë njeriut tim të zemrës. Hera e parë që po e bëj, por zemër ky kërcim ishte vetëm për ty”, u shpreh Eliona, pa zbuluar se cili ishte i dashuri i saj.
Burime për “Iconstyle.al” kanë siguruar një foto të mashkullit që i ka vjedhur zemrën Elionës, të cilin deri tani aktorja e kishte mbajtur larg syve të publikut.
Ai është një djalë simpatik brun, i cili në foto ka pozuar me motrën e Elionës.
Më herët Eliona ka treguar se është kokë e këmbë e dashuruar dhe se është në një fazë shumë të lumtur të jetës së saj.
