Edhe pse deputeti ishte i martuar, ajo nuk e ka mohuar aspak këtë lidhje dhe e ka bërë publike duke publikuar vazhdimisht foto me të në rrjetet sociale.
Angelina Shala, e cila me profesion është këngëtare dhe jeton në Gjermani, zbuloi para pak javësh se është në lidhje me deputetin Haxhi Shala.
Ndërkohë bashkëshortja e tij në Kosovë me të cilën deputeti është i martuar dhe ka dy djem, vazhdon të përkrahë Haxhi Salën, përmes rrjeteve sociale duke publikuar aktivitetet e tij.
Ky fakt u ka rënë në sy të gjithëve, ndaj edhe në profilin e Angelinës ka komente të tilla: Po ky ka grua!
Megjithatë Angelina vijonte me deklaratat e dashurisë dhe madje bëri tatuazh për të.
Por pas gjithë fotove që këngëtarja ka publikuar, sot ajo ka marrë një vendim të papritur duke deklaruar se gjithçka ka marrë fund.
Angelina ka publikuar një foto në “Instagram” ku shkruan: “Ndoshta dhemb shumë, por fundit i them fund”, duke lënë të kuptohet se ka hequr dorë nga Haxhi Shala.
