Tetë muaj pas ndarjes nga jeta të vajzës së Whitney Houston zbulohet shkak i ngjarjes së rëndë. 22-vjeçarja vdiq si rezultat i zhytjes në ujë dhe overdozës nga droga, sipas raportit mjeko-ligjor.
Bobbi Kristina Brown ndërroi jetë më 26 korrik, gjashtë muaj pasi u gjet pa ndjenja në tualet. Një gjykatë në Atlanta nxori ditën e enjte raportin final, pas kërkesës nga medias, raporton BBC.
Zyra e Mjekësisë Ligjore tha se ka shqyrtuar të dhënat mjekësore, dosjet hetimore dhe dokumente të tjera për të përcaktuar se si vdiq Brown.
Në konkluzione përfshihej përdorimi i kanabisit dhe, së bashku me ilaçe që përdoren për qetësim apo për trajtimin e ankthit, duke përmendur si “shkakun themelor” të vdekjes “zhytjen e lidhur me overdozën nga droga”.
“Vdekja ishte dukshëm jo nga shkaqe natyrale, por ekzaminuesit mjekësor nuk ishin të aftë të vendosnin nëse vdekja u shkaktua qëllimisht apo ishte aksidentale. Për këtë arsye e kanë klasifikuar si vdekje të papërcaktuar”, thuhej në raport.
Brown ishte fëmija e vetme e divës së muzikës Whitney Houston, e cila ndërroi jetë afërsisht në të njëjtën mënyrë në 2012-n në mbrëmjen e ceremonisë së çmimeve Grammy.
Burimi:BBC
