Travis Barker ka të gjithë mbështetjen e miqve dhe familjes pas lajmeve të fundit për shtrimin e tij në spital. Tani është raportuar nga “TMZ” se muzikanti vuan nga pankreatiti dhe mjekët besojnë se është shkaktuar nga një kolonoskopi e bërë së fundmi nga Barker.
Gjithashtu u zbulua se shtrimi në spital të martën ishte rezultat i një inflamacioni të pankreasit, i cili mund të shkaktojë dhimbje të forta stomaku, madje edhe të përziera.
Kourtney Kardashian dhe Travis u fotografuan teksa hynin në spital, me këngëtarin e shtruar në barelë dhe Kourtney duke ecur pas tij, ndërsa stafi mjekësor e ndihmonte.
Këngëtari u dërgua me ambulancë në Qendrën Mjekësore Cedars-Sinai në Los Anxhelos, me vajzën e tij 16-vjeçare Alabama Barker që qëndronte pranë tij.
Alabama postoi në rrjetet sociale, duke shpërndarë një foto të babait të saj në spital me mbishkrimin “Ju lutem thuajeni nga një lutje”.
Djali i Travis, Landon Barker, nuk ishte në gjendje të bashkohej me babanë e tij në spital pasi ai ishte në New York City duke u përgatitur për t’u bashkuar me Machine Gun Kelly në Madison Square Garden.
Këngëtari njoftoi më herët për sëmundjen teksa ka shkruar në llogarinë e tij në Twitter “Zot më shpëto”, duke i shqetësuar fansat për shëndetin e tij.
Çifti i famshëm, fillimisht vizitoi Spitalin “West Hills” pasi Travis filloi të kishte probleme shëndetësore, por më vonë u transferua në Cedars për kujdes shtesë.
