Mëngjesin e sotëm, të gjithë u trishtuam pas lajmit se Cheryl dhe Liam Pain kishin vendosur t’i jepnin fund historisë së tyre të dashurisë, pak ditë pasi djali i tyre Bear mbushi një vjeç.
Sipas Daily Mail, shkaku kryesor i ndarjes së çiftit është bashkëjetesa me nënën e Cheryl, Joah e cila ka ngjallur debate të mëdha mes tyre.
Joah u shpërngul në shtëpinë e Liam (që kushton 5 milionë paund), për t’u kujdesur për vogëlushin Bear. Mirëpo ky vendim nuk është pritur mirë nga këngëtari i hitit “Strip That Doen”, i cili ka kërkuar që ata të kenë privatësi. Debatet mes çiftit datojnë që në muajin mars, e pas këtij momenti Liam hoqi dorë edhe nga planet për t’u martuar.
“Ai kishte shumë dëshirë të martohej me Cheryl një ditë, por nuk ishte shumë i sigurtë pas dy divorceve të saj. Si dhe që nga momenti që Joah kalonte shumë kohë në shtëpinë e tij, ai qëndronte qëllimisht i zënë në turne.” – është shprehur burimi.
Dy këngëtarët dhanë lajmin e ndarjes përmes një postimi të njëjtë në Twitter, ku shpreheshin se ky, ishte një vendim i vështirë për t’u marrë.
Çifti u njoh në 2008-n, kur Liam vetëm 14 vjeç, mori pjesë në X Factor në Mbretërinë e Bashkuar dhe anëtare e jurisë, ishte Cheryl Cole.
