Vetëm pak ditë më parë, ylli i “KUWTK” festoi ditëlindjen e saj të 40-të e padyshim nuk kishte si të mungonte një super festë në këtë ditë kaq të veçantë.
Familja dhe miqtë i kishin përgatitu vajzës së ditëlindjes një festë surprizë e cila duket se e gjeti me të vërtetë të papërgatitur.
Në festë u panë detaje mjaft të veçanta por ajo që rrëmbeu vëmendjen e të gjithëve ishte torta, ku ishte vendosur numri 16, në vend të 40, mosha e vërtetë e Kim.
40-vjeçarja kishte veshur një fustan të ngushtë ngjyrë gold, që e bënte të dukej goxha bukur.
Mirëpo, vërtetë menduat se festimet do të përfundonin me kaq?
Për këtë ditëlindje, Kim udhëtoi së bashku me familjen dhe miqtë e saj drejt një ishulli privat në Haiti.
Sipas “Page Six”, ajo mori një avion privat Boeing 777 me 88 vende për të shkuar në një ishull privat me 35 vila.
Personat që e shoqëruan ishin motrat Kourtney Kardashian, Khloé Kardashian dhe Kendall Jenner, vëllai Rob Kardashian dhe nëna Kris Jenner, të cilët u trajtuan me një mori darkash të bollshme, vizita në spa dhe udhëtime në ishull.
Kim nuk u kursye aspak në ditëlindjen e saj të 40-të dhe shpenzimet i shkuan plot 1 milion dollarë, shifër e cila ia ka vlejtur për një përvjetor që do ta mbajë mend gjatë.
