Binjakët e Beyonce dhe Jay Z mbërritën para kohe.
Foshnjat kanë lindur para kohe dhe po trajtohen për verdhëz, njofton TMZ.
Çifti nuk është larguar nga spitali që prej mbërritjes 8 ditë më parë, pasi mjekët kanë vendosur t’i mbajnë nën kontroll ata për çdo problem që mund të paraqitet.
Më herët u bë me dije se diva e muzikës është ende në spital për shkak se pati një “problem të vogël” gjatë lindjes.
Ndërkohë që më parë dominoi heshtja dhe nevoja për të qenë diskretë, tashmë është zbuluar gjithçka. Binjakët e Beyonce dhe Jay Z lindën para kohë.
Ata do të vazhdojnë të qëndrojnë në spital pasi bebet po trajtohen për shkak të lëkurës së tyre të zverdhur duke qenë se janë ende tepër të dobët.
Binjakët kanë kaluar shumicën e ditëve të tyre të para nën efektin e dritës dhe fototerapisë për të eliminuar nivelet e larta të bilirubinës në gjak.
Verdhëza është mjaft e zakonshme tek të sapolindurit, sidomos në lindjet e parakohshme. Binjakët janë më të ndjeshëm pasi ata rrallëherë lindin para afatit të plotë.
Burimi: Daily Mail
