Para disa ditësh të gjitha mediat shkruan për programin e ri televiziv që pritet të transmetohet në “Top Channel”. “Top talent” do të jetë spektakli veror i cili do të jetë një konkurs për të rinjtë e talentuar në prezantim, gazetari dhe regji. Fituesit e këtij edicioni do të kenë mundësinë të lidhin një kontratë pune me televizionin prestigjioz shqiptar.
Ndërkohë që kanë filluar audiconet e para, janë zbuluar edhe dy nga anëtarët e jurisë.
Moderatori i njohur i “Pop Culture” Kelvi Kadilli ka bërë me dije se do të jetë pjesë e jurisë në këtë spektakël, por gjithashtu nuk do t’i ndahet prezantimit pasi do të ketë në dorë edhe drejtimin e këtij programi.
Një tjetër anëtar jurie do të jetë edhe gazetari i njohur i “Top Channel” Marin Mema. Ka qënë faqja e “Top talent” në Instagram që ka zbuluar praninë e gazetarit në këtë spektakël.
Na mbetet të presim ditët në vijim për të zbuluar më shumë nga spektakli i ri që do të mbajë të gozhduar publikun shqiptar gjatë sezonit të verës.
