Që pas bashkëpunimit super të suksesshëm mes tyre “Body on me”, Rita Ora dhe Chriss Brown duket se kanë mbetur miq të mirë. Mirëpo kohët e fundit duket se marrëdhënia mes tyre ka ndryshuar dhe tani janë më shumë se aq. Prej disa javësh dyshja e famshme po përflitet se është në një lidhje intime, pasi janë vënë re momente flirtuese mes tyre.
Megjithatë nuk i kishim parë asnjëherë bashkë kohët e fundit, deri mbrëmë ku ata të dy u panë duke dalë nga një klub nate në Milano shoqërinë e njëri – tjetrit.
Pasi kishin ndjekur sfilatat nga Java e Modës, Rita dhe Chris u larguan në klubin e natës, ku kërcyen e pinë së bashku.
Sipas “MTO News” çifiti më pas u largua nga aty për në hotelin e Chris dhe kaloi natën bashkë.
Ndërsa më herët Rita ishte shprehur për këngëtarin duke thënë: “Unë e dua atë në nivele të ndryshme. Unë shoh se si ai trajton njerëzit e tij dhe ai është një person i mirë me një zemër të mirë dhe një familje të bukur”.
Megjithatë “lidhja” e dy artistëve të famshëm mbetet në fazën e spekulimit dhe mbetet për t’u parë nëse janë vërtet një çift.
