Meriton Mjekiqi ka zbuluar se do të jetë pjesë e një programi të ri televiziv në një ekran të njohur. Pas një periudhe paralajmërimesh, ai ka postuar së fundmi emrin e televizionit që do ta shoqërojë në këtë aventurë të re, dhe siç mund të pritej, është Top Channel.
Emisioni i ri do të titullohet “A je bre normal?” dhe pritet të nisë në janar 2025. Për momentin, detajet e tjera mbi programin mbeten ende të panjohura.
Titulli i emisionit është një pasqyrim i batutës shumë të njohur të Meritonit gjatë programit “Gjoni Black”. Në videon promocionale për këtë program, shfaqen disa nga emrat më të njohur të muzikës, përfshirë Mc Kreshën, Lyrical Son, Capital T, Big Bastën dhe Don Xhonin, që është një tjetër emër që fitoi famë falë prezencës në programin e mëparshëm të Mjekiqit.
