Epo tani nuk ka asnjë dyshim se kush do të jetë kryetari i jurisë së “Dancing With The Stars”.
E gjeni dot se kush është?
Pikërisht Kledi Kadiu.
Burime për Top Channel bëjnë me dije se koreografi i mirënjohur do të jetë pjesë e konkursit të kërcimit në Shqipëri.
Deri më tani asgjë nuk është konfirmuar përveç faktit se prezantuese do të jetë pikërisht Bora Zemani.
Kledi Kadiu, balerin profesionist, sot mësues i vlerësuar, prej shumë vitesh jeton në shtetin fqinj Itali.
Krenar për vendin e tij, Kledi më herët ka dhënë një intervistë ku ka folur për javën e Kulturës Italiane në Shqipëri.
“Kthehem shpesh në Shqipëri, jo vetëm sepse janë të dashurit e mi atje, por për t’i treguar vajzës sime rrënjët dhe kulturën e vendit tim.
Një fije që ka mbetur gjithmonë e pandryshuar tek unë, thuajse një kordon kërthize që nuk është këputur kurrë.
Një dialog që është forcuar gjithmonë ndër vite mes Italisë dhe Shqipërisë, vetëm se mund të më kënaqë dhe të më bëjë krenarë edhe sepse në mua këto dy identitete bashkëjetojnë në mënyrë të natyrshme…me traditat dhe specifikat e tyre. Pothuajse dy shpirtra në një. Ndjehem shqiptar dhe italian në të njëjtën kohë.
Dhe e ndjej si një pasurim, një vlerë të shtuar, një pikë force”– u shpreh Kledi Kadiu
