Biografi Ian Halperin parashikoi pak kohë më parë divorcin Angelina Jolie me Brad Pitt. Ai u shpreh se një nga shkaqet kryesore të ndarjes së çiftit të famshëm ishte dëshira e aktores për t’u shpërngulur në Britani dhe për t’u shndërruar në “Princeshën e re Diana”.
Deklarata, e cila u vlerësua fillimisht si thashethem, nisi të vërtetohet duke qenë se së fundmi Jolie po përgatitet vërtet për t’u zhvendosur në Londër.
Sipas burimeve pranë saj, Jolie do të bëjë realitet ëndrrën e saj për të pasur një punë në një pozicion prestigjioz në Mbretërinë e Bashkuar. Ajo dëshiron të zhvendoset në Londër së bashku me 6 fëmijët e saj dhe kjo është arsyeja përse aktorja po kërkon kujdestari të plotë të fëmijëve, gjatë luftës së saj ligjore me ish-bashkëshortin Pitt.
Burimi: Daily Mail
