Sara Hoxha dhe Ledion Liço, një prej çifteve më të komentuar të showbizz-it shqiptar do t’i japin fund beqarisë më shpejt nga sa mendonim.
Ata janë prindër të një djali, London Noor dhe kishin disa kohë që kishin paralajmëruar dasmën e tyre.
Deri më sot dinim se çifti do të kurorëzojë lidhjen e tyre në muajin gusht të këtij viti dhe dasma do organizohet në një prej hoteleve më të shtrenjta në Como të Italisë “Villa d’Este”.
Sipas burimeve rezervimi në këtë hotel për një person kushton jo pak, por plot 500 euro dhe duke marrë parasysh që në dasmë do të marrin pjesë qindra të ftuar, të cilët do të qëndrojnë 3 ditë.
Por sot, ‘Anabel’ raporton se ceremonia martesore do mbahet në datë 11 gusht, ndërkohë që një ditë para saj, dyshja ka menduar të realizojë një pritje shumë intime.
Por nuk mbyllet me kaq! Më 12 gusht të pranishmit i pret një tjetër festë e madhe!
