Një celulë terroriste iraniane është zbuluar në Shqipëri nga autoritetet e vendit.
Kjo celulë kishte përgatitur një sulm gjatë festës së Sulltan Nevruzit në mars të 2018-ës.
Njësia drejtohej nga njësia QUDS, i njohur si Peyman, i cili është resident në Iran dhe menaxhon operacionet në Shqipëri, Evropën Qëndrore dhe atë Perëndimore.
Një nga operativët e tij është Alireza Naghashzadeh, i cili zotëron pasaportë austriake. Alireza u dërgua nga Peyman për të grumbulluar informacione.
Një tjetër operativ i Peyman është edhe Malek Zadeh, i cili jeton në Turqi. Zadeh ka bashkëpunuar me një figurë të njohur të krimit të organizuar turk, Abdulselam Turgut me pseudonimin ‘Ferhat’.
Turgut është një emër i njohur i trafiktu ndërkombëtar të drogës, ndërsa është burgosur edhe në Shqipëri, është arrestuar në vitin 2011 në Shqipëri për trafik të 1 ton heroinë, por me një vendim të dyshimtë, ju ndryshua masa e sigurisë nga “arrest me burg” në “arrest shtëpie”, duke i hapur dyert e arratisë me një pasaportë false.
Vartësit e Turgut do të kryenin edhe sulmin ndaj muxhahedinëve në Shqipëri, me urdhër të regjimit iranian.
/Gazeta Reforma
