Një tjetër artist i njohur do t’i bashkohet “Sunny Hill Festival” në Tiranë.
Bëhet me dije se këngëtari i radhës që do t’i bashkangjitet artistëve të tjerë do të jetë Elgit Doda.
Lajmi është bërë me dije nga faqja zyrtare e “Sunny Hill Festival” ne Instagram.
Gjithashtu, më herët u zbuluan edhe emrat e artistëve të tjerë që do të performojnë si Dafina Zeqiri, Tananai, Dren Abazi, Fedez dhe Action Bronson.
Këngëtari Elgit Doda ka qenë më herët i ftuar në programin “Në kurthin e Piter Panit”. Ai ndër të tjera foli për jetën e tij personale dhe profesionale.
Mirëpo, ai iu përgjigj edhe pyetjeve me ‘spec’ nga fëmijët e emisionit. Disa nga pyetjet ishin: “Çne Klea me ty?”, “Si të zgjodhi Klea ty?” etj.
Ndër të tjera, këngëtari tha se ishte pikërisht ai që e zgjodhi Klean, pasi po të ishte në dorën e Kleas, sipas tij, ajo nuk do ta zgjidhte.
“Në fakt ke bërë një pyetje shumë me vend, sepse të ishte se do të më zgjidhte ajo, nuk do të më zgjidhte, por e zgjodha unë. E mora”, tha ai ndër të tjera.
“Pse nuk të zgjodhi ajo ty”?
“Sepse na takon ne meshkujve, është më xhentile që ta zgjedhim ne femrën dhe t’ia mbushim mendjen që jemi të mirë”.
