Anita Haradinaj ka folur së fundmi për eksperiencën e saj në “Dance Albania” në programin “Rudina”. Ajo la spektaklin e kërcimit pasi pati një problem shëndetësor.
Mirëpo, ajo ka folur edhe se si bashkëshorti i saj, Ramush Haradinaj priti pjesëmarrjen e saj në konkursin e kërcimit.
Jo vetëm kaq por Anita tregoi edhe arsyen se përse Ramushi nuk i foli për tre ditë
Rudina Magjistari: Jam kurioze bashkëshorti, Ramushi, cilat kanë qenë përshtypjet e tij, opinionet, kur të ka parë? Cili ka qenë kërcimi që i ka pëlqyer?
Anita Haradinaj: Nuk është se e ka parë. E kam thënë në fillim edhe në intervista të tjera që ai në fillim kur i thashë unë do marrë pjesë te “Dance Albania”, më tha bëj çfarë të duash, ti e njeh televizionin, si të duash bëj, e mirë dhe unë erdha. Kur doli promoja e emisionit dhe që i balerini më ngriti lart në ajër, nuk më mori në telefon për tre ditë. Unë shkoja në prova dhe u thoja të gjithëve s’më ka marrë Ramushi në telefon. Nejse një ditë të bukur u thosha pastaj, “hë se sa të shkoj në shtëpi rregullohet…”. Se filluan të shqetësoheshin të gjithë “moj të mori Ramushi” u thoja, “jo s’ka gjë se e rregulloj sa të shkoj në shtëpi”. Sa shkova në shtëpi e rregullova atë muhabet…
