Është publikuar sot një raporti paraprak në lidhje me shkakun e shpërthimit të fuqishëm dje në një argjendari në ish-Bllok, ku mbetën të plagosur 5 persona.
Sipas raportit, shpërthimi ka ndodhur për shkak të gazit të tepërt në ambientet e bodrumit të argjendarisë dhe rrjedhja e gazit e cila ka provokuar një shkëndijë.
Kjo shkëndijë ka sjellë më pas aktivizimin e shpërthimit. Në momentin e shkëndijës, bombolat kanë qenë të mbushura me gaz dhe propan dhe teknik, i cili përdoret për përpunimin e floririt.
Dyshohet se bombulës me gaz i është lënë hapur valvula dhe kështu ka rrjedhur gaz, duke shkaktuar edhe shpërthimin.
Burime për “Report tv” bëjnë me dije se inspektori i ISHT nuk ka kryer kontroll pasi në këtë rast ngjarja mund të ishte parandaluar!
Si pasojë e shpërthimit kanë mbetur të plagosur 5 persona, pronarët e argjendarisë, burrë e grua Alma dhe Sokol Pirra, punonjësja Eneda Nura 18 vjeç, si dhe dy kalimtarë, njëri prej të cilëve 23-vjeçari Andanoel Serani.
