Cardi B ka dalë për herë të parë në publik pas ndarjes dhe ka festuar siç i ka hije një beqareje.
Me një look ekstravagant dhe një tufë me dollarë në dorë, Card B dukej shumë e lumtur në një festë në Miami, të mërkurën, pasi i dha fund martesës.
Dhe do të thoni ju se cila është arsyeja që i dha fund? Epo ja që bashkëshorti i saj Offset kishte kërkuar seks treshe me dy femra të tjera, mes të cilave një repere që i ngjan Cardi B.
Disa mesazhe të publikuara në internet tregonin sesi Offset po përpiqej të organizonte një takim me pullë të kuqe me Cuban Doll dhe një tjetër femër që quhet Summer Bunni në qershor, pak para se Cardi të lindte vajzën e tyre Kulture.
Jo për ta justifikuar reperin, por në atë kohë kujtojmë që Cardi B deklaroi se nuk i pëlqente aspak të bënte seks ndërkohë që ishte në pritje të ëmbël.
Por le t’i kthehemi historisë së ndarjes. Mediat pohojnë gjithashtu se Cardi e dinte se burri i saj e kishte zakon të bisedonte me gratë, por lajmi i fundit thjesht ishte shumë i tepërt.
Burime të afërta pranë reperes thanë se nuk ka shanse që Cardi të heqë dorë nga ndarja dhe se vendimi duket “serioz”.
Ndaj dhe autorja e hitit “Bodak Yellow”, 26 vjeçe, u vesh seksi, mori një tufë parash në dorë dhe doli të bëjë qejf si një beqare e lumtur!
