Deri tashmë ishin prezantuar vetëm tre emra për jurinë e Këngës Magjike të këtij viti, e cila pritet të vijë ndryshe nga çdo edicion tjetër. Arben Skënderi, Armend Rexhepagiqi dhe Jonida Maliqi janë emrat e zyrtarizuar si anëtarë të jurisë së Këngës Magjike, të cilëve sipas “Indeksonline” do t’i bashkohet edhe skenaristja dhe producentja Dalina Buzi.
Juria do të vendosë për fatin e të rinjve në “Best New Artist”, si dhe do të marrë pjesë në votimin final për të përzgjedhur fituesin e edicionit të këtij viti.
Festivali pritet të nisë në vjeshtë dhe ende nuk dihet nëse juria do të përbëhet nga 4 anëtarë, apo do të zbulojmë të tjerë emra në vijim.
