Një ditë më parë në Durrës ndodhi një incident i rëndë ku një 23-vjeçare e identifikuar me emrin Darjan Linares ishte hedhur nga kati i dytë i një hoteli. Policia bëri me dije se e reja është shtyrë me forcë nga dikush, por ajo çfarë u zbulua më pas është akomë më e rëndë. Linara është një nga 5 vajzat e huaja që kanë hapur “strehëza” prostitucioni në Tiranë dhe Durrës. Dy ditë më parë ajo pati një konflikt me një klient nga Shijaku i cili në gjaknxehtësi e sipër e shtyu nga kati i dytë i hotelit duke përfunduar në tendë pa dëmtime serioze.
Kjo ngjarje zbuloi prostitucionin që ajo ushtronte me shoqet e saj.Në banesën që ato kishin marrë me qira, përveç prostitucionit, përdoreshin edhe lëndë narkotike. Ka muaj që në Tiranë dhe Durrës janë përhapur me shumicë njoftime për eskorta. Njoftimet qarkullojnë në rrjete sociale dhe në telefona privatë.
Prostitucion ka patur edhe më parë por kjo valë e re ka një specifikë. Vajzat janë të huaja, kryesisht nga vende të Amerikës Latine dhe duket se i ka sjellë njëherazi e njëjta dorë organizuese. Ato janë vendosur në zona të ndryshme të Tiranës dhe Durrësit, kryesisht afër qendrës. Janë dashur ngjarje si kjo e Durrësit që situata të ekspozohet për publikun e gjerë.
