Ashtu siç ishte parashikuar prej muajsh, ky sezon do të sjellë emisione të reja, për të cilat pritet të mësojmë më shumë kur të nisin.
Por tashmë mediat kanë zbuluar disa nga detajet për emisionet që do të tërheqin audiencën gjatë muajve në vazhdim.
Nëse ka një emision për të cilin duam të dimë më shumë është ai që do të moderojë Marina Vjollca. Ashtu siç njoftoi edhe vetë ajo, emisioni nuk ka asnjë lidhje me sportin, por me muzikën.
Në “Tv Klan” pritet që Marina të fillojë spektaklin “C’est la vie” i cili është komentuar shumë. Në këtë spektakël 8 këngëtarë të rinj do të konkurrojnë me 8 personazhe të njohur.
Kur ky spektakël të përfundojë, do të fillojë një tjetër spektakël për fëmijë, të cilët do të konkurrojnë në muzikë, balet dhe instrumente.
Në po të njëjtin televizion gjithashtu do të fillojë një emision ku do të flitet për operacionet plastike dhe një tjetër për udhëtimet, i cili do të quhet “Travelling”.
Nga ana tjetër disa nga emisionet do të fillojnë transmetimin në “Top Channel” janë: “Dua të të bëj të lumtur”, “100 milionë”, “Big Brother VIP” dhe “The Voice of Kids”.
Mes tyre edhe “Shiko kush luan në Top Channel”, “VIP në shtëpi”, janë emisione të tjera që priten të nisin dhe njëri prej tyre do të moderohet nga Luana Vjollca.
