Nëse doni të shijoni performancën e Dua Lipës atëherë keni mundësi të ndiqni koncertin e saj në Prishtinë, më 10 gusht. Këngëtarja shqiptare me famë botërore do të performojë në Prishtinë në një koncert gjigand, ku do të ketë edhe personazhe të tjerë të njohur.
“Sunny Hill Festival” do të jetë koncerti më i madh i organizuar ndonjëherë në kryeqytetin e Kosovës.
Në faqen zyrtare të festivalit, tashmë janë bërë publike dhe çmimet e biletave.
Momentalisht janë vënë në dispozicion vetëm biletat që blihen tani dhe kushtojnë 35 euro për një person, për të gjithë festivalin.
Pas kësaj faze do të vijojë faza e dytë ku bileta do të kushtojë 55 euro, për të arritur më pas në çmimin 75 euro. Nëse do të blini biletën VIP, ajo do të kushtojë 200 euro.
Dua po ashtu ka zbuluar se 25% e fondeve të fituara nga shitjet e biletave do të shkojnë për të ndihmuar artistët të rinj në Kosovë. Koncerti organizohet nga babai i Duas, Dukagjin Lipa.
