Në qytetin antik të Pompeit në Napoli janë gjetur skeletet e dy burrave, të cilët mendohet se janë përpjekur t’i shpëtojnë shpërthimit të një vullkani gati 2.000 vite më parë. Pjesë të kafkave dhe eshtrave të dy burrave u gjetën gjatë një gërmimi të rrënojave nga ajo që dikur ishte një vilë elegante me një pamje panoramike të Detit Mesdhe në periferi të qytetit antik Romak të shkatërruar nga shpërthimi i vullkanit në vitin 79 pas Krishtit.
Arkeologët kanë bërë me dije se trupat i përkasin një burri të pasur të shoqërisë së asaj kohe dhe skllavit të tij. Eshtrat e dy viktimave, të shtrirë pranë njëri-tjetrit me kurriz, u gjetën në një shtresë hiri në të paktën 2 metra thellësi.
Duke gjykuar nga kockat e kafkës dhe dhëmbët, një nga burrat ishte i ri, me gjasë i moshës 18 deri në 25 vjeç, që mund të ketë bërë punë fizike si skllav. Ndërsa skeleti tjetër kishte një strukturë të fortë kockore dhe mendohet se mund të ketë qenë 30-40 vjeç dhe në fytyrën e tij janë gjetur gjurmë të një boje të bardhë, që mund të ketë qenë mbetje e një muri të shembur.
Të dy skeletet u gjetën në një dhomë anësore përgjatë një korridori nëntokësor, ose kalimi, i njohur në kohën antike Romake si një kriptoportik. Mendohet se ata janë strehuar pikërisht aty me mendimin se mund t’i shpëtonin vullkanit.
View this post on Instagram
Ajo është që është unike në këtë zbulim është fakti se pas kaq shume vitesh u bë e mundur gjetja e trupave të ruajtur në mënyrë kaq perfekte, së bashku me veshjet e tyre dhe sendet që kishin me vete në momentin kur u vranë nga shpërthimi vullkanik.
Më i riu në moshë ka pasur veshur një tunik të shkurtër me material prej leshi, ndërsa tjetri përveç tunikës, ka pasur një mantel mbi shpatullën e majtë.
