Plot 10 milionë lekë gjobë do të vendoset ndaj një portali nëse nuk reagon ndaj një ankese të një qytetari për një artikull të publikuar.
Ky është vendimi i fundit i qeverisë për masat antishpifje të propozuara dy muaj më parë nga kryeministri Edi Rama.
Sipas këtij drafti, të gjitha portalet duhet të jenë të regjistruara dhe të përmbajnë një dritare ose hapësirë në Web ku njerëzit të bëjnë ankesa ndaj lajmeve, raporton “Newsbomb.al”.
Nëse portali nuk reflekton ndaj ankesës, atëherë qytetari mund të ankohet në Këshillin e Ankesave pranë AMA. Gjithashtu nëse portali nuk reflekton ndaj kësaj ankese, mund të gjobitet maksimumi me 10 milionë lekë të vjetra.
Ndërsa për një televizion kjo gjobë është maksimumi 4 milionë leke të vjetra. Gjithashtu, nëse një portal merr nga ama 5 masa administrative, atëherë AKEP mund ta pezullojë portalin për 1 vit nga interneti.
