“Nuk deshëm ti vrasim kushërinjtë Jushi, por gjithçka ka ndodhur në gjaknxehtësi e sipër”.
Kjo është dëshmia e autorëve të vrasjes se dyfishtë në Laç, Markel, Manuel dhe Vinçens Bushi, të cilët kanë shprehur pendesë për krimin e kryer para dy ditësh.
Ata ishin të njohur me viktimat dhe debati në lokal ka nisur për rrjetet sociale, duke i thënë njëri-tjetrit pse ke postuar këtë foto dhe pse atë foto.
Ende nuk dihet personi që ka qëlluar me armë, por po analizohen gëzhojat e gjetura në vendin e ngjarjes.
Nga hetimet rezulton se autorët dhe viktimat janë përplasur fillimisht me njëri-tjetrin jashtë ambienteve të lokalit dhe më pas janë përdorur armët.
Vrasja e dyfishtë ndodhi në Laç më datë 28 prill rreth orës 20:15. Diskutimi mësohet të ketë nisur në lokalin e Kelvin Jushit (lexo këtu) dhe më pas gjithçka ka degraduar.
