Perrie Edwards konfirmoi në mënyrë emocionale se ish-i fejuari Zayn Malik ishte ai që i dha fund lidhjes së tyre.
Gjatë publikimit të një kapitulli nga libri i ri i “Little Mix”, “Our World”, këngëtarja i jep rëndësi mënyrës si ish-i i saj i kërkoi ndarjen në 2015-n, ndërsa e cilëson si “koha më e keqe” e jetës së saj.
“Ishte e tmerrshme, periudha më e keqe e jetës sime. Një marrëdhënie 4-vjeçare, dy vjet fejesë, përfunduan nga një mesazh i thjeshtë. Në këtë mënyrë. Pavarësisht se gjërat në karrierën time po shkonin shumë mirë, ishte shumë e vështirë për mua”, shkruan ajo.
Fragmenti bëri shpejt xhiron në median sociale, ku fansat nisën që të mbështesnin këngëtaren: “Jam i lumtur që ajo nuk është me të më, çdo gjë që ajo tha është shokuese”.
Ndërkohë që nga ana tjetër Zayn e mohoi vitin e kaluar që marrëdhënia përfundoi në atë mënyrë. “Kam aq respekt për Perrie sa të përfundoja gjithçka me një mesazh. E dua atë shumë dhe gjithmonë do ta dua dhe nuk do ta përfundoja kurrë lidhjen tonë 4-vjeçare në atë mënyrë”, tha Zayn për revistën “Fade” vitin e kaluar.
Burimi: Daily Mail
