Këngëtarja Zaimina Vasjari gati një muaj më parë solli në jetë vogëlushen e saj Khloe. Një emocion i madh që i dha mundësinë e përjetimit të ndjesisë më të bukur, atë të të qenit nënë.
Mami Zaimina ka publikuar disa foto të vogëlushes në “Instagram”, por është kujdesur që të mos ia zbulojë fytyrën. Por me rastin e festës së 8 Marsit këngëtarja nuk ka rezistuar dot dhe ka zbuluar për herë të parë fytyrën engjëllore të Khloe-s.
“Shikoje botën dhe qesh, sepse pa ty, jeta ime do të ishte e pamundur. Gëzuar Ditën e Grave. Po ndaj me ju foton e ditës së parë kur Khloe erdhi në jetë”, shkruan Zaimina.
Vogëlushja Khloe shfaqet e qetë dhe e sigurt në kraharorin e mami Zaiminës.
