Zaimina Vasjarin dhe pak ditë e ndajnë nga takimi i ëmbël me vogëlushen e saj Khloe. Në një intervistë për Revistën Who, këngëtarja ka treguar momentet emocionuese që ka përjetuar kur mori vesh se ishte shtatzënë.
“Ishte dita e ditëlindjes sime. Atë paradite vendosa të bëj një kontroll se nuk ndihesha mirë, ndërkohë testin e shtatzënisë e kisha bërë dhe rezultoi negativ. Në mendjen time isha e sigurt që nuk kisha asnjë lidhje me shtatzëninë. Bëra një analizë dhe isha e shoqëruar nga motra ime. Pas disa orësh më vjen një telefonatë. Ishte motra ime që qante dhe përsëriste ‘do bëhem teze, do bëhem teze’. Për një moment nuk po e kuptoja, pastaj më tha ‘urime, do të bëhesh mami’. Ishte shumë bukur, qanim të dyja dhe isha e mpirë”, tregon Zaimina.
Gjithashtu Zaimina rrëfeu se personi i parë që e mori vesh lajmin e shtatzënisë ishte partneri i saj, Klodi, i cili e priste prej kohësh diçka të tillë. Këngëtarja tha se Khloe nuk do të jetë bebi i saj i vetëm.
“Familja do një djalë, kështu që Khloe nuk është bebi i fundit i familjes sonë”, rrëfeu Zaimina.
