Kohët e fundit në media është komentuar gjatë ndarja e Ronela Hajatit dhe Young Zerkës.
Ka qenë vetë këngëtarja e cila në një intervistë për “Në kurthin e Piter Pan” u shpreh se është vetëm, pra beqare dhe e fokusuar te puna, duke konfirmuar kështu ndarjen nga Young Zerka.
Një arsye specifike këngëtarja nuk e dha por u shpreh se Zoti i di më mirë ca gjëra dhe ndonjëherë është e kotë të kërkojmë gjëra që nuk e dimë nëse do të bëhen.
Në një intervistë tjetër më pas, autorja e hitit “Lage” tregoi se aktualisht është e fokusuar vetëm te puna e saj, e megjithatë tha se njeriu nuk mjaftohet asnjëherë as kur është single e as kur është në një lidhje.
E më në fund ditën e sotme i erdhi radha Young Zerkës të flasë për ndarjen, por reagimi i tij nuk ishte ai që prisnim.
Teksa ishte i ftuar në “Pushime on top”, këngëtari u pyet rreth historisë së tij më të përfolur të dashurisë por, ai ka preferuar të mos përgjigjet duke folur për pamjen e malit të Moravës, përballë të cilit po bëhej intervista.
Këtu më përpara ka qenë Morava dy…(qesh)
Mirëpo, ai nuk ka ngurruar të flasë për dashurinë e tij të parë, duke treguar se ndjenjat e para i ka nisur në SHBA, ku ka emigruar shumë vite më parë.
“Unë kam ikur i vogël nga Korça. Dashuriçkat e para i nisa jashtë, por edhe këtu kam kujtime. Vajzat që kishim qejf i kishim nëpër lagje dhe shkolla”, ka thënë Zerka.
