Ylli Limani me zërin dhe me këngët e tij romantike ka bërë për vete çdo femër shqiptare. Tekstet romantike të këngëve të tij kthehen në hite për të gjithë të dashuruarit, madje në disa çaste mund të kenë bërë dikë edhe të lotojë në momente melankolie.
Dje Ylli ka publikuar në “Youtube” këngën e tij “Ty” që vetëm brenda pak orësh numëron gati 101 mijë klikime.
“Një këngë dashine për të gjithë ju që e keni gjet gjysmën tjetër”, ka shkruar Ylli në lajmërimin e hedhjes në “Youtube” të këngës së tij më të re.
Kjo këngë vjen si një dedikim i bukur dashurie për të gjitha çiftet e dashuruara, por edhe si një leksion për djemtë që të jenë sa më romantikë.
“E tash që të kom gjet, t’lutna rri mos më le vet, se nuk e du këtë jetë pa ty”, thotë Ylli Limani.
“Po du me t’i fal sytë, që dhe ti me kuptu, pse për ty po më rreh kjo zemër. Pse ty të du”, vazhdon më tej këngëtari simpatik.
