Ylli i “Little Mix”, Jesy Nelson ka rrëfyer për ‘Cosmopolitan’ se çfarë e shtyu të largohej nga grupi, ku ishte pjesë prej vitesh.
Ajo ka thënë se më në fund ndihet e lirë dhe ka pranuar se ka dashur që të vrasë veten shpesh dhe vetëm izolimi dhe largimi nga puna e bëri që të kuptojë në çfarë njeriu ishte transformuar.
Këngëtarja, u largua nga banda në Dhjetor 2020 pas nëntë vjetësh, duke dhënë deklaratën se të qenit pjesë e një grupi të profilit të lartë të vajzave, kishte dëmtuar shëndetin e saj mendor.
Ylli tregoi se kishte pësuar një sulm paniku në një set sepse ishte e pakënaqur me pamjen e saj.
“E gjithë bota ishte në izolim total dhe kjo ishte hera e parë që munda të kisha një pushim në shtëpi me njerëzit që i dua. Ishte periudha më e lumtur që kisha ndjerë ndonjëherë dhe këtë nuk e kuptova, derisa u ktheva në punë. Unë menjëherë u bëra një person tjetër, kisha ankth. Kam frikë të shoh përsëri në kamerë. Nëse nuk më pëlqen ajo që shoh, e kam shumë të vështirë të jem para kamerës dhe të ndihem mahnitëse dhe të interpretoj”, është shprehur Jesy.
Ajo po nis një karrierë të re vetëm dhe ndihet shumë e lumtur për rrugëtimin e ri.
