Në vitin 2011, kënga “Ai Se Eu Te Pego” që kryesonte top-listat muzikore anembanë botës, i dha famë këngëtarit brazilian, Michael Telo.
I lindur më 21 janar të vitit 1981 në Medianeira të Brazilit, Telo ka kënduar që kur ishte 6 vjeç dhe gjithashtu luante në piano dhe harmonikë.
Por përveç suksesit në karrierë, këngëtari bëri bujë në vitin 2014 kur u martua me njërën prej bukurosheve të serialit brazilian “O Clone”, Thaís Fersoza.
Për të gjithë ju që nuk e mbani mend, Thaís Fersoza ka luajtur rolin e Telminjës, një vajzë simpatike që shfaqet si bija e dashur e çiftit më karizmatik të serialit, Tavinjos dhe gruas së tij superxheloze Lidias.
Ajo ka qenë e martuar me Juaquim Lopez, por martesa e tyre zgjati vetëm një vit (2009-2010). Tashmë Fersoza ka një vajzë që quhet Melinda dhe një djalë që quhet Teodoro me këngëtarin e njohur.
