Kit Harington u dërgua në një klinikë rehabilitimi për të trajtuar stresin dhe varësinë ndaj alkoolit.
Aktori 32-vjeçar që u bë i njohur me rolin e Jon Snoë-t tek seriali “Game of Thrones”, paska qenë në trajtim gjatë gjithë kohës së transmetimit të sezonit final të serialit.
Lajmi u konfirmua edhe nga zëdhënësi i tij për shtyp.
“Kit ka vendosur të shfrytëzojë kohën e pushimit si një mundësi për t’u kujdesur më tepër për veten.”, u shpreh ai.
Qendra e rehabilitimit ka një kosto prej 120 mijë dollarësh në muaj. Jo shumë, nëse merr parasysh se Kit Harington u pagua 500 mijë dollarë për një episod të sezonit final e megjithatë, a ia ka vlejtur i gjithë stresi?
Një burim konfirmon për “DailyMail” se shkak për vendimin që të shkojë në rehabilitim është stresi i tepërt i mbledhur gjatë xhirimeve të serialit ku ka luajtur jo pak, por 8 vite, si edhe tepritë në të pirët e alkoolit.
Ai nuk është i detyruar të qëndrojë brenda në qendrën e rehabilitimit, e cila gjendet në Madison, kryeqyteti i Winsconsin.
Kit Harington është i martuar që prej 2018-ës me një prej aktoreve të “Game of Thrones”, Rose Leslie.
Praktikisht, e gjithë jeta e aktorëve të serialit të konsideruar “më i famshmi në botë”ka qenë e lidhur me sheshxhirimin.
