Kush do të performojë këtë vit në “Eurovision”? Ndodh për herë të parë në historinë e konkursit europian të muzikës, ku ftohet për të performuar një këngëtar me famë botërore.
Justin Timberlake u zgjodh për të performuar këngën e tij më të fundit, “Can’t Stop The Feeling” në skenën e Stockholmit, të shtunën në 14 maj, në orën 21:00.
“Kjo është një mundësi fantastike, jemi të lumtur dhe të emocionuar që Justin Timberlake do të performojë bashkë me bandën e tij në spektaklin tonë. Ajo që e bën edhe më të veçantë është se, kënga është shkruar dhe punuar nga Max Martin dhe Shellback, të dy kantautorë suedezë”, u shpreh Sven Stojanovi, producent i “Eurovision”.
“Jemi krenarë të mirëpresim një nga artistët më të mëdhenj të botës! Është nder dhe frymëzim për ne”, komentoi Martin Osterdahl, producent ekzekutiv i “Eurovision”.
Justin Timberlake është i njohur në skenën ndërkombëtare, ku ka fituar 9 “Grammy Awards” dhe katër “Emmy Awards”. Ndër këngët më të famshme të tij janë “Cry Me a River”, “SexyBack” dhe “Mirrors”, ndërsa është përfshirë edhe në kinematografi me filmat “The Social Network”, “Bad Teacher” dhe “Friends with Benefits”. Tashmë, ai do të performojë në finalen e madhe të “Eurosong”, të shtunën, në 14 maj, në orën 21:00.
Kalendari:
E mërkurë, 11 maj
17.00 – Provë gjenerale e shfaqjes (hyrja me biletë)
21.00 – Provë gjenerale e shfaqjes (hyrja me biletë)
E enjte, 12 maj
15.00 – Provë gjenerale e shfaqjes (hyrja me biletë)
21.00 – Nata e dytë gjysmëfinale (hyrja me biletë)
E premte, 13 maj
Planet varen nga rezultati i gjysmëfinales
E shtunë, 14 maj
Planet varen nga rezultati i gjysmëfinales
E diel, 15 maj
Kthim nga Stokholmi për në Tiranë
