Kot nuk thonë, arti është i trashëguar. E duket se në familjen Limani, Ylli nuk është i vetmi që ka talent për muzikën.
Përveç se ai është i biri i kitaristit të grupit legjendar ‘Minatori’, Mufail Limani, edhe i vëllai i tij ka talent. Arti, vëllai i vogël i artistit duket se do jetë një nga emrat që do spikasë në vitet në vijim pasi edhe ai ka një talent në muzikë.
Arti ka krijkuar ‘beat-in’ e këngës së fundit të Yll Limanit që publikohet më 26 maj. Në një postim në Instagram vëllai i artistit shkruan “Kam bërë beat-in e kësaj kënge”.
Më pas, foton e ka shpërndarë edhe Ylli që shkruan: “Bro-ja i sapodiplomuar beatmaker.”
E ku ka më mirë se të bashkëpunosh me familjen tënde!
