Yll Limani është rrugës duke realizuar një dëshirë që ia kërkoi një fanse pak javë më parë në Twitter.
Duke qenë se këngëtari iu përgjigj pozitivisht tashmë duhet t’ia plotësojë kërkesën, që në fakt rezulton të jetë kërkesë jo vetëm e një personi por e të gjithë përkrahësve të tij.
Kënga e tij e re mban titullin “Leje”, por ende nuk kemi një datë publikimi.
Sot, autorit i hitit “Buzt e kuqe” ka publikuar një video në Instastory, duke ndarë me ndjekësit vetëm një pjesë nga projekti i ri që pritet të bëjë namin.
Teksa ndodhet në makinë, artisti i mirënjohur ka vendosur në sfond “Leje” që duket një këngë tipike për stilin e tij.
Ndër të tjera në vargjet e saj thuhet:
Se me t’pas dasht, nuk t’kish lon vet për shok që nuk i ka përnime, për femna as sa gjysma jote. Ti s’je bota e tij, ai osh bota jote. Amo leje…
Këto 12 sekonda po bëhen virale në rrjet dhe kush e di çfarë do ndodh kur kënga të publikohet e plotë.
Ndërkohë, së fundmi ai na ka paralajmëruar për një këngë të re që do publikojnë së bashku me The Cricket.
Ylli ka shpërndarë një video në rrjetet sociale ku shihet teksa udhëton me makinë ndërkohë në sfond dëgjohet bashkëpunimi i tyre.
Aq sa dëgjohet në video projekti do jetë në anglisht dhe është një këngë tipike vjeshte. (KLIKO)
Risjellim në kujtesë se ata kanë publikuar edhe dy këngë të tjera më parë të këtij stili të titulluara “Autumn leaves” dhe “Friday night”.
Rreth dy muaj më parë, Yll Limani publikoi “Buzët e kuqe”, frymëzuar nga trendi më i ri botëror: rikthimi i periudhës së viteve ’80.
Vetë Ylli e ka cilësuar këtë si ‘rrezik’ duke shtuar se është në moshën e duhur për eksperimente artistike dhe na vërtetoi se bëri shumë mirë që rrezikoi.
