Këngëtari i njohur Naim Bunjaku, i njohur për publikun si Xuxi, ka reaguar pas përfundimit të Festivalit të Këngës, duke shprehur hapur zhgënjimin e tij për moskalimin në finale. Përmes një statusi të gjatë në Facebook, ai theksoi se vlerësimi i jurisë nuk reflektoi ndershmëri dhe se, sipas tij, në festival vazhdojnë të favorizohen emra të caktuar.
Këtë vit, Xuxi u prezantua me këngën “Identitet”, një krijim me tematikë atdhetare dhe tinguj të lahutës, të ndërthurur me stilin e tij karakteristik rock. Kënga u pëlqye nga një pjesë e publikut për ngjyrimin tradicional dhe interpretimin emocional.
Postimi i plotë:
REAGIM
IDENTITETI – n nuk na e merr askush, e as na e ban kush te harrojme kush jemi!
Nuk më ka lënduar votimi i jurisë mbrëmë – sepse të gjithë e dimë se tek ne në festivale “fitojnë” emrat e kompozitorëve, te favoriteve te tyre e antareve te jurive qe i mbledhin neper pube nate ku bajnë muzik.
Unë jam mirënjohës dhe e them edhe një herë publikisht: faleminderit Andos për këngën dhe tekstin që do të jetojnë gjatë – pavarësisht qe qellimisht as ne finale nuk e futen.
Karriera ime eshte me shume se 40 vjeçare e ndertume mbi skenen e te kenduarit live e jo playback, mbi podiumet e krejt skenave ne Prishtine e Kosove. Publiku eshte çmimi im.
Por ajo që më dhemb është skenari i ndërtuar rreth “lahutistit” – kinse për t’ju kujtuar Mixhen Ramë – sepse kjo ishte denigruese dhe e pavend.
Genc ato tirqi dhe ajo Lahutë nuk janë ‘kostum skene’ – janë IDENTITET.�Janë rrënjët tona, historia jonë, gjaku ynë.
Publiku foli qartë mbrëmë, dhe për mua, ai është çmimi më i madh.
Ffaleminderit secilit prej jush e qe jeni shumë – që e keni dashur këngën me gjithë zemër.
Sapo u rrit shpresa se ky festibal do ec perpara pa mashtrime e vendime inatçore u zhgenjeva prape.
Mund ta urreni Xuxin ama kengen kurre ajo kenge meritonte te jete ne piedestal.
