25-vjeçarja Xhisiela Maloku u kthye në personazhin kryesor të mediave, kur vendosi të dëshmonte se ishte përdhunuar nga djali i deputetit të Partisë Socialiste, Rrahman Rrahja.
Tashmë Xhisiela vendosi që të mos mbulohej më dhe të tregonte se kush ishte.
Prej 7 vitesh e reja tregoi se ishte në një lidhje me djalin e deputetit, të cilin e denoncoi për dhunë dhe përndjekje, por më pas vendosi që ta tërhiqte kallëzimin.
Ndërkohë, Rexhep Rraja u arrestua dje me urdhër të prokurorisë, ndërsa akuzohet për përndjekje. 25-vjeçarja, e cila fillimisht vendosi që të shfaqet në një intervistë televizive shfaqej me kurriz, sot pranoi të dilte publikisht dhe të tregonte pamjen e saj, pak orë pasi policia e mori në mbrojtje.
Deputeti socialist, Rrahman Rraja, reagoi javën e kaluar, duke hedhur poshtë menjëherë akuzat e ngritura nga ish-oficeri i Policisë së Fushë Krujës, Emiljano Nuhu, që i rrëfeu të gjithë ngjarjen gazetarit Basir Çollaku.
Ai pranoi se kishte një denoncim nga një vajzë, me të cilën djali i tij kishte një lidhje dhe ishte ndarë. Sipas deputetit, vajza e nxitur nga xhelozia bëri në polici një denoncim, të cilin e tërhoqi më pas.
Burimi: Balkanweb
