Nëse keni qenë kurdoherë skeptikë në kombinimin e një xhakete/këmishe xhins me pantallona po xhins, Bella Hadid ju thotë se mund të bëni shumë më shumë se kaq. Të shtoni pse jo, diçka tjetër të të njëjtit material. Xhins i trefishtë!
Ditën e djeshme, modelja 24-vjeçare u shfaq në New York me një veshje “tre herë xhins”. Krahas këmishës dhe xhinseve, e reja shtoi në veshjen e saj edhe një jelek, po xhins. Së fundmi, Bella riktheu në vëmendje sfilatën e saj të shumëpërfolur në 2016-ën. Ajo çka i ndodhi Hadid-it është padyshim makthi i çdo modeleje. E gjendur në sfilatën e Michael Kors-it, këmba e saj shkoi keq dhe modelja e gjeti veten në dysheme. Ishte njëri prej fotografëve ai që zgjati dorën për ta ndihmuar.
Hadid shpërndau fotografinë ku shfaqej momenti në fjalë duke shkruar:
“Ma gjen dot dikush këtë njeri, Zoti e bekoftë. Dua ta falenderoj personalisht pasi ishte i vetmi njeri që më dha dorën në një moment nevoje”, iu drejtua 24-vjeçarja 38.9 milionë fansave të saj në Instagram.
Kohët e fundit Bella Hadid nuk ka qenë aktive në rrjete sociale, madje për 16 ditë me radhë ajo u zhduk. Para pak javësh u rikthye sërish dhe bëri një rrëfim shumë të sinqertë. Bella duket se ka patur një betejë me shëndetin mendor dhe e ka fituar atë, e tashmë është më e fortë dhe me energji të plota. Ylli me famë botërore ka postuar disa foto të librave që ka lexuar këto kohë, të miqve të ngushtë, me kuajt në fermën e saj në Pensilvani, të disa objekteve të fatit dhe engjëjve. Ajo u bëri thirrje të gjithë ndjekësve t’i kushtojnë rëndësi shëndetit mendor teksa shkruan se do na tregojë më shumë në të ardhmen.
Qëndrova larg disa kohë për të reflektuar dhe për të mësuar për veten time në një mënyrë që do të ishte shumë për t’u shpjeguar për momentin, por me kohën do ta shpreh. Kujtimet me të cilat u ktheva janë mençuri e pastër, një marrëdhënie më e ngushtë me veten dhe shpirtin tim, një ndjenjë dashurie për veten që më ka munguar gjithmonë, disa miq të shkëlqyeshëm dhe këto libra ku gjeta veten. Gjeta përsëri veten, forcën dhe dritën time. Unë jam këtu për të qenë një instrument i paqes dhe dashurisë, për të ndihmuar njerëzit që vuajnë… Faleminderit engjëjve të mi që më kanë mbështetur dhe vazhdojnë të më duan.Ju më shpëtuat. Gjeni kohë për të marrë ndihmë për shëndetin tuaj mendor. Ia vlen që të arrini potencialin tuaj të plotë”.
View this post on Instagram
