Këngëtarja Xhensila Myrtezaj dhe aktori Bes Kallaku u bënë dje prindër për herë të parë të një vajze. Ajo erdhi në jetë paraditen e djeshme dhe gëzon shëndet të plotë. “Iconstyle.al” zbuloi se çifti i famshëm i kanë vendosur një emër të veçantë vajzës së tyre, Ajka.
I pari që e dha lajmin publikisht ishte Bes Kallaku nëpërmjet një postimi në Instagram ku tregonte edhe kuptimin e emrit të vajzës së tyre.
“Vendosëm të të quanim AJKA. Babai yt, qysh i vogël mezi priste që Ija të ziente qumështin dhe fshehurazi ti vidhte AJKËN, si shija më e mirë e fëmijërisë. Nëna jote është “ajkë” më vete. Është kujdesur aq shumë për ty, është lutur aq shumë edhe sa shumë të ka kënduar këngë engjëjsh. Nuk do t’kesh probleme ninullash me pak fjalë. Edhe unë do përpiqem, por unë di ninulla vetëm për Skiftera, me vjedhje zemrash, edhe per Baftjarin, por që ti s’ke si ta njohësh.” , shkruan Bes Kallaku.
Menjëherë pas Besit edhe Xhensila ka bërë një dedikim emocionues të cilin e ka shoqëruar me foton e ëmbël ku shfaqet këmba e Ajkës.
“Kur morëm vesh që do vije ti, sa u lutem dhe falënderuam Zotin për këtë bekim. Mirë se erdhe Ajka e jetës tonë.
Të mbaj në krahë, e ta ndjej frymën, edhe aromën, a thua se të gjitha lulet e kësaj toke janë mbledhur grusht tek gusha jote.
Çfarë ndjesie qenka të mbash krejt botën në duar. O kënga ime, o poezia ime.
Bëj të mirën edhe duaje veten. Për çdo të mirë që do bësh, Zoti do shkurtojë distancën mes teje edhe Atij.
Nuk me ka emocionuar asnjë publik sa ty, un jam publiku yt në fakt, duartrokas gjithçka tënden. Zoti qoftë bariu yt. Ti do jesh lutja ime. Bes, zoti na bekoi të dyve me më të shtrenjtën dashuri. Unë jam me fat që të kam, më shumë akoma që ti je babi i Ajkës sonë.
Faleminderit gjithkujt që u bë pjesë e këtij bekimi tonit. Ne të tre ju falënderojmë. Përqafime. Xhensila, Besi dhe Ajka.
PS: Ajka, edhe diçka, do shkruajnë portalet për ty këto ditë, i falënderojmë por edhe i lutemi ta lënë me kaq edhe të respektojnë privatësinë e çdo fotoje të dal pa miratimin tonë. Flm”, shkruan Xhensila në postimin e saj në Instagram.
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
