Xhensila Myrtezaj ka folur për lidhjen e saj me aktorin e humorit, Bes Kallaku dhe sekretin e marrëdhënies së tyre.
E pyetur se cili është sekreti i lidhjes së tyre 7-vjeçare, ajo tha: “Vetëm komunikimi, probleme ka gjithmonë në çdo lidhje, por komunikimi është gjëja më e rëndësishme sepse zgjidh defektet, defekte që kanë të gjithë, edhe unë edhe Besi”.
E nëse mendoni se Besi bën humor vetëm në skenë, e keni gabim. Ai është lindur për të qenë pozitiv dhe plot energji dhe siç tregon Xhensila edhe përditshmëria është një shfaqje humori. Këtë dhunti të tij ai ia ka përcjellë edhe Xhensilës. “Unë kam marrë shumë pjesë prej tij, ashtu siç ka marrë edhe ai nga unë”.
E ftuar në emisionin e Roza Latit, Xhensila tregoi se çfarë bënte kur e shikonte Besin në televizor, ende pa e njohur nga afër.
“Më ka pëlqyer shumë si personazh, (e kujt nuk i pëlqen) para se të njiheshim. Është e vërtetë që i thoja mamit që dua ta dëgjoj njëherë atë në televizor pastaj të fle”, ka thënë këngëtarja, duke vazhduar më tej:
“Edhe diçka që nuk e dini, në “Ethet e së Shtunës” kur unë kam qenë 14 vjeç dhe performoja, ndërsa Besi më shikonte, siç më kanë thënë familjarët e tij, dhe thoshte ‘Sikur të pija një kafe me këtë gocën’. Ne jemi lidhur kur unë kam qenë 16 vjeç”.
