Bes Kallaku feston sot 33-vjetorin, por kjo është ditëlindja e tij e parë si baba. Ndërsa festa me siguri është ndjerë në shtëpinë e tij që në orët e para të ditës së sotme, dedikimin më të bukur para gjithë publikut e bëri bashkëshortja Xhensila Myrtezaj.
Këngëtarja publikoi disa foto të rralla të çiftit, të realizuara gjatë pushimeve të tyre, por mbishkrimi i këtij postimi është ai që tërheq vëmendjen.
Xhensila shpreh dashurinë për Besin, duke thënë se pa të nuk mund të jetë asgjë dhe dëshiron që ta kalojnë çdo ditë të jetës bashkë.
“Cfarë jam pa ty? Asgjë. Në të mirë dhe në të keq ti gjithmonë je krah meje. Në çdo frymëmarrje, në çdo hap të jetës time dhe në çdo moment që do jetoj, dua ta jetoj me ty përgjithmonë. Kjo ditëlindje është magjike për ne. 33 vite jetë, 33 vite buzëqeshje, shpresë, mirësi, besnikëri për këdo që ka qenë pranë teje. Ky 33 vjetor të gjeti më të plotësuar se kurrë më parë, ashtu siç e kishe imagjinuar veten që në vogëli. E gjitha ç’ka uroj për ty është shëndet, unë do përpiqem ta bëj jetën tënde sa më të qetë dhe të bukur, ashtu siç ti gëzon ditët tonë”, shkruhet në postimin e saj në “Instagram”.
Por fjalia e fundit na vjen si një “ankesë” për Bes Kallakun nga Xhensila dhe vajza e tyre Ajka, të cilat duan që ai të kalojë më shumë kohë me to dhe më pak me punën.
“Të lutem qëndro me ne pak më shumë, me ne gocat që kur të kaloj dhe pak kohë, do zihemi se kush të ka dhe kush të do më shumë”, përfundon dedikimi.
Më 12 korrik të këtij viti çifti mirëpriti vogëlushen e pagëzuar me emrin Ajka, por që ende nuk e kanë prezantuar me publikun.
Burimi: Instagram
