Xhemi Shehu është një ndër moderatoret më të dashura të publikut shqiptar. Ndryshe nga të gjithë personazhet e tjerë të njohur që janë shumë aktiv në rrjetet sociale, Xhemi është shumë e tërhequr. Jo të pakta kanë qenë rastet kur ajo ka vendosur të “zhduket” fare nga rrjetet sociale.
Vetëm pak kohë më parë Xhemi iu rikthye Instagram-it dhe postimet e saj në Instastory na kanë njohur përciptazi me disa prej aktiviteteve që moderatorja bën çdo ditë. Mbrëmjen e djeshme Xhemi ka postuar një foto në Instastory ku shfaqet krah një mashkulli misterioz, të cilit ka preferuar të mos ia tregojë fytyrën.
Duke qenë se Xhemi nuk ka publikuar pothuajse asnjëherë foto me partnerin në Instagram, ky postim na ka nxitur të aludojmë se mashkulli misterioz është bashkëshorti i saj. Gjithsesi mund të themi se Xhemi ia doli të na bëjë kuriozë me këtë foto.
