Nuk ka dyshim që ai po kthehet në stilistin e preferuar të të gjithëve dhe aq më tepër në radhët e personazheve të huaj VIP.
Valdrin Sahiti ka veshur Beyonce-n në festën gala që u mbajt para çmimeve Grammy në Beverly Hills, California të shtunën.
Tashmë Beyonce ia ka besuar look-un e saj një tjetër stilisti të njohur shqiptar, dhe fakti që ka publikuar disa foto tregon se ajo ka mbetur e kënaqur nga puna e tij!
Beyonce veshi një fustan saten të kuq në festë, me një dekolte mjaft seksi që i ekspozonte gjoksin. Vetëm para një ore ajo publikoi në Instagram fotot me fustanin e hijshëm që Valdrini ia ka bërë me merak!
https://www.instagram.com/p/B7x0td5nRtl/
Kjo nuk është hera e parë që Beyonce zgjedh një stilist shqiptar. Pak kohë më parë ajo zgjodhi stilistët burrë e grua, Kujta&Meri dhe krijimin e tyre fantastik që bëri bujë në të gjitha mediat (lexo këtu).
https://www.instagram.com/p/B6GqFnDlMkd/?utm_source=ig_embed
Pjesë e listës së personazheve VIP që ka veshur Sahiti këtë vit, janë edhe shumë emra të njohur të ekranit, si Eleonora Carisi në Festivalin e Filmit në Venecia, apo Iskra Lawrence në tapetine kuq të Golden Globes.
Kelly Rowland gjithashtu zgjodhi krijimin e Valdrinit në festën e ditëlindjes së Diddy-t. Stilisti i VIP-ave ka veshur edhe Cardi B, dhe me sa duket emri i tij vijon të jehojë në media.
https://www.instagram.com/p/B6LnwqJJMqC/
