Këngëtarja Ariana Grande së fundmi ka publikuar videoklipin e saj më të ri që titullohet “7 rings”.
Videoklipi është pëlqyer tej mase nga fansat e bukuroshes me famë botërore, në të cilin ajo shfaqet me 6 mikeshat e saj të ngushta, mes tyre edhe artistja shqiptare Njomza.
Sipas një postimi të Grande-s në rrjetin social Twitter, ajo që i dha idenë për ta bërë këngën në fjalë ka qenë pikërisht 24-vjeçarja me origjinë shqiptare, Njomza.
“Mirë… Ishte një ditë e lodhshme në qytetin e New York-ut. Shoqet e mia më çuan në Tiffany’s, ku pimë shumë shampanjë. Bleva për të gjitha ne unaza. Ishte shumë gallatë! Rrugës për në studio, Njomza më tha: ‘Kjo duhet të bëhet këngë!’ Kështu, ne e shkruam atë pasdite!”– shkruan Ariana Grande.
Për ju që nuk e njihni Njomza është rritur në Chicago, është një artiste shqiptare e cila ka lindur dhe është rritur në SHBA, por prindërit i ka shqiptarë.
https://www.instagram.com/p/BsyWj14H_fF/
Ajo është njohur me Arianën nëpërmjet ish-të dashurit të ndjerë të artistes, Mac Miller.
Njomza në videoklip është vajza me flokë blu.
