Dhurata Dora eksperimenton shpesh me look-un e saj, dhe duket se i shkon çdo ngjyrë a model flokësh.
Që në fillim të verës ajo ka prerë flokët, megjithatë ka vendosur extension duke i zgjatur ato.
Thuajse çdo javë, Dhuratën e kemi parë në rrjete sociale me një ngjyrë të re flokësh duke na befasuar çdo herë.
Por prisni sepse ndryshimet nuk mbarojnë me kaq! Në foton e fundit të publikuar në Instagram, Dhurata shfaqet me flokët në ngjyrë rozë dhe të prerë shkurt, teksa na kënaqi sërish sytë me këtë look.
View this post on Instagram
Pak javë më parë, Dhurata publikoi projektin e saj të fundit të titulluar “Harrom”, i cili mezi po pritej nga fansat.
Ky projekt muzikor është i zhanrit baladë dhe flet për një çift që dikur e kanë dashur shumë njëri-tjetrin dhe më pas ndahen për shkak të tradhtisë së djalit. Teksti është shkruar nga vetë Dhurata në bashkëpunim me Tonic&Denk e nuk dihet nëse kjo do të jetë një histori personale e këngëtares.
Ndërkohë, Dhurata pritet që së shpejti të vijë edhe me një bashkëpunim dhe bëhet fjalë për reperin e mirënjohur, Kidda. Nuk ka ende një datë publikimi për projektin e tyre, por kënga është në punim e sipër dhe sigurisht duke marrë parasysh faktin se dy nga emrat më të suksesshëm të muzikës po bëhen bashkë, do jetë hit i garantuar.
Sakaq, vera 2020 ka qenë shumë e suksesshme për Dhuratën. Ajo ka publikuar 3 projekte, një solo “Ferrari” dhe dy bashkëpunim me Azetin “Fajet” dhe “Xhep Remix”.
Ndërkohë, Dhurata do sjellë një bashkëpunim edhe me Noizyn, lajm ky i konfirmuar nga vetë reperi, por për këtë duhet të presim edhe pak.
