Të gjitha motrat Kardashian janë të kujdesshme kur vjen puna tek pijet alkoolike dhe lëndët narkotike. Pak kohë më parë, Khloe u shpreh se është e vetmja nga motrat që i pëlqen të pijë alkool, ndërkohë që droga në familjen e tyre as që zihet në gojë. Mirëpo, e shkuara e njërës prej tyre, ahëëëm… Kim Kardashian, duket se nuk ka qenë dhe aq e pastër dhe këtë, ajo e ka pranuar vetë së fundmi në episodin e ri të “Keeping Up With The Kardashians”.
Teksa bisedon me motrën e vogël Kendall Jenner dhe Scott Disick, Kim pranon për herë të parë se ka qenë e droguar me ekstazi kur është martuar për herë të parë si dhe kur ka xhiruar videon e seksit që e bëri të famshme në të gjithë botën (goxha publicitet për drogën të themi të drejtën…)
“U drogova njëherë me ekstazi dhe u martova. U drogova për herë të dytë dhe bëra një video seksi. Vetëm gjëra të këqija ndodhin!”-rrëfen Kim duke iu referuar martesës së saj të parë me producentin Damon Thomas, kur ajo ishte vetëm 19 vjeçe si dhe videos famëkeqe me ish-in e saj Ray J në vitin 2003.
Kjo është hera e parë që ajo pranon publikisht se ka eksperimentuar me drogën në të 20-at e saj dhe Scot Disick me të drejtë shokohet nga ky rrëfim aq sa i duket i pabesueshëm.
“Sigurisht që isha! Të gjithë e dinë. Nofulla ime dridhej gjatë gjithë kohës!”-thotë më tej Kim duke qeshur disi e sikletosur.
Kim Kardashian u martua me Thomas në fshehtësi në Las Vegas në vitin 2000, duke dalë kundër gjithë familjes së saj. Vite më vonë, pas divorcit në 2003-shin, ajo u shpreh tepër e penduar për martesën e saj të parë, pasi kishte zhgënjyer thellësisht të atin, Robert Kardashian, i cili u nda nga jeta gjithashtu në vitin 2003.
