Super hiti ‘New Rules’ nga këngëtarja me origjinë shqiptare, Dua Lipa, ka arritur që të hyjë në listën e ngushtë të këngëve që kanë mbi 2 miliardë shikime në platformën muzikore Youtube.
Videoklipi i këngës së famshme është shikuar e komentuar shumë dhe kënga vazhdon të dëgjohet akoma edhe gati 3 vjet pasi është hedhur në treg.
Videoja ka 10 milionë pëlqime, 314 mijë komente deri tani, dhe numri vazhdon të rritet.
Këngën Dua e ka publikuar në vitin 2017 menjëherë pas ndarjes nga Isaac Carew.
Aso kohe ajo bëri namin, megjithatë të shumtë janë edhe njerëzit që e dëgjojnë edhe sot.
Në vitin 2018, kënga arriti 1 miliardë klikime dhe suksesin më të madh sapo e shënoi.
