Pas një romance të gjatë që mori vëmendjen e mediave, modelja shqiptare Afërdita Dreshaj kurorëzoi me martesë në vitin 2018 dashurinë e saj me sportistin çek, Jakub Kindl.
Dyshja bëhet vazhdimisht pjesë e lajmeve rozë dhe romanca e tyre është ndër më të komentuarat në media.
Në rrjete sociale nuk mungojnë pozat e shumta së bashku dhe dedikimet romantike për njëri-tjetrin, ku tregojnë se janë të dashuruar njësoj si ditën e parë.
Herë pas here, Afërdita ndan në llogarinë e saj foto ose video nga shtëpia e çiftit, e cila është arreduar plot stil dhe madje ka një garderobë gjigante për dyshen.
Së fundmi, modelja publikoi në InstaStory një video nga garderoba e saj dhe e Jakubit, e cila është e gjitha një dhomë më vete plot rroba, çanta e këpucë.
Afërdita filmon teksa ecën mes garderobës dhe duket tamam si një dyqan ku mund të gjesh gjithçka.
Modelja është e fiksuar pas firmave të njohura të cilat janë rreshtuar në dollapin e saj dhe shpesh e shohim me kombinime të ndryshme plot stil në fotot e shkrepura për rrjetet sociale.
